Aktori i njohur Gentian Zenelaj ka treguar arsyet pse ka refuzuar disa role në filma. Ai u shpreh se dashuria për teatrin, kontakti me spektatorin dhe emocioni i pastër janë faktorët që e kanë bërë të shmangë rolet në kinematografi.
Zenelaj ka refuzuar role në filmin e Luizit dhe në filmin “Parajsa është në det” të Blerim Destanit. Megjithatë, ai nuk përjashton mundësinë e bashkëpunimit në të ardhmen.
“Po, ka qenë një rol që kam refuzuar. Më duket te filmi i Luizit. Mendoj se nuk e shikoja veten aty. Po atë vit kam refuzuar edhe një rol të vogël te filmi që bëri Blerim Destani, “Parajsa është në det”, mos gaboj, është titulli”, tha Zenelaj.
