Dy gazetarë palestinezë të cilët u arrestuan nga policia izraelite në Kudsin Lindor të okupuar, dolën para një gjykate në Kudsin Perëndimor, transmeton Anadolu Agency (AA).
Punonjësit e televizionit palestinez Al-Kufiyye, Ziynet al-Halavani dhe Vehbi Mekkiye, u arrestuan nga policia izraelite teksa ishin në detyrë mbrëmjen e djeshme në lagjen Sheikh Jerrah të Kudsit Lindor.
Kameramani Makkiye u rrah dhe u plagos pasi u arrestua nga policia izraelite.
Mekkiye dhe Halavani kaluan natën në qendrën e paraburgimit ku u dërguan.
Gazetarët palestinezë u paraqitën para gjykatës izraelite në Kudsin Perëndimor këtë mëngjes.
Burimet lokale thanë se seanca dëgjimore e gazetarëve Mekkiye dhe Halavani është ende duke vazhduar dhe se gjykata nuk ka përfunduar ende.
