Drejtori i Spitalit të Tetovës, Erzen Elezi vazhdon të sjellë lajme të mira për investime të vazhdueshme në spitalin klinik të Tetovës. Elezi sot përmes një video postimi ka ndarë pamjet nga reparti i Kardiologjisë në hapësira të reja dhe moderne që paraqet avancim të rëndësishëm për pacientët nga Tetova dhe gjithë Rajoni i Pollogut, shkruan Top24
Kardiologjia e Tetovës në një epokë të re
Spitali Klinik i Tetovës vazhdon me investime konkrete në shërbim të qytetarëve. Transferimi i plotë i repartit të Kardiologjisë në hapësira të reja dhe moderne paraqet avancim të rëndësishëm për pacientët nga Tetova dhe gjithë Rajoni i Pollogut.
Reparti, i cili më herët funksiononte në objektin e vjetër të Internistikës, tani është vendosur në të njëjtin objekt ku realizohen intervenimet dhe procedurat kardiologjike, duke shmangur lëvizjet e panevojshme të pacientëve nëpër spital dhe duke rritur efikasitetin e trajtimit.
Njëkohësisht, reparti është pajisur me aparaturë të re mjekësore, përfshirë EKG moderne, ndërsa i gjithë stafi mbetet në gatishmëri të plotë për kujdes maksimal ndaj pacientëve.
Nën udhëheqjen e drejtorit Dr.spec Erzen Elezi, Spitali Klinik i Tetovës po ngrit standardet shëndetësore dhe po ndërton një shërbim më dinjitoz për çdo qytetar.
