Drejtori i hekurudhave të Maqedonisë së Veriut Adnan Azizi, sot ka vizituar fshatin Rramanli në Kumanovë ku ka ndodhur një aksident hekurudhorë.
Treni i aksidentuar fatmirësisht nuk ka shkaktuar pasoja në njerëz por vetëm dëme materiale. Ende nuk dihen shkaqet se si doli nga shinat dhe u përmbys. Për këtë në vendngjarje kanë dalë komisionet përkatëse për të përcaktuar arsyen rrokullisjes shkruan TOP24.
Postimi i plotē i Adnan AIzit ⬇️
Në Rramanli të Kumanovës, atje ku sot fatkeqësisht ndodhi një aksident hekurudhor, e që fatmirësisht nuk ka pasoja në njerëz, por vetëm dëme materiale.
Komisioni për ngjarje të jashtëzakonshme i përbërë nga anëtarë profesionist të HRMV – Transport dhe HRMV – Infrastruktura inspektuan rastin dhe bëjnë ekspertizën e nevojshme në vendngjarje për t’i zbuluar shkaqet nga e cila ndodhi kjo fatkeqësi.
Po punohet me intensitet të lartë për gjetjen e problemit, gjë e cila do të ndihmojë ne evitimin e rasteve tjera të këtilla.
