Në pamundësi për të firmosur me Kylian Mbappe, presidenti i Realit të Madridit Florentino Perez në ditën e fundit të merkatos afroi te Los Blancos talentin tjetër francez Edoardo Camavinga nga Rennes për 30 milionë euro.
Fillimisht ajo e 18-vjeçarit u duk si një blerje emergjente në momentet e fundit të merkatos, por debutimi i Camavingas me Realin rezultoi një debutim ëndrrash aq sa tifozët madrilenë kanë nisur që tani të dashurohen me francezin pasi me golin që realizoi në fitoren ndaj Celta Vigos vetëm 6 minuta pasi kishte hyrë në fushë, Camavinga hyri menjëherë në librat e historisë së klubit merengues.
Në moshën 18 vjeç e 306 ditë, Camavinga është lojtari i dytë më i ri që shënon në debutimin e tij për Real Madridin në La Liga në shekullin e 21, pas Rodrygo, i cili e bëri këtë kundër Osasunas në shtator 2019 kur ishte 18 vjeç e 259 ditë.
Në këtë moshë, francezi bëhet lojtari i 33-të më i ri që ka debutuar me Real Madridin në kampionatin spanjoll, duke u renditur pas Camachos, i cili bërë atë kur ishte vetëm 18 vjeç e 268 ditë.
Camavinga hyn në listën e çudirave të “Los Blancos” duke u bashkuar me Vinicius dhe Rodrygo, dy nga shokët e tij të skuadres aktualisht.
Listën e kohës e kryeson Odegaard, i cili debutoi nga dora e Ancelottit në La Liga vetëm 16 vjeç e 157 ditë duke tejkaluar rekordin që mbahej nga Losada, i cili debutoi 17 vjeç e 6 ditë.
