Denzel Dumfries kërkohet me ngulm nga Çellsi, që i kanë ofruar 25 milionë euro, plus bonuse. Një shifër kjo që është refuzuar nga zikaltrit, të cilët kërkojnë të përfitojnë nga shërbimet e mbrojtësit, teksa nuk heqin dorë nga 50 milionë euro.
Klubi italian e transferoi holandezin para një viti nga PSV Aindhoven për 13.7 milionë euro, ndërsa falë sezonit të mirë çmimi i tij është trefishuar. Ai realizoi pesë gola dhe dhuroi pesë asistime në 33 paraqitje në Serie A dhe është futbollist i rregullt në ekipin e Holandës.
Mediat raportojnë se çmimi më i ulët për 26-vjeçarin është 40 milionë euro, mirëpo “La Gazzetta dello Sport” njofton se Simone Inzagi nuk do t’i marrë parasysh ofertat nën 50 milionë euro.
