„Diaspora jonë nuk është diasporë e ndarë. Ata janë këtu me ne – kanë shtëpi, anëtarë familjarë, paguajnë taksa, jetojnë gjysmën e vitit këtu. E tani, pasi u regjistruan dhe doli që numri i shqiptarëve është më i lartë se i të tjerëve, merret vendim për përjashtimin e diasporës“, tha Bujar Osmani, duke reaguar ndaj vendimit të KSHZ-së për uljen e numrit të këshilltarëve në komunat.
„Nuk është vetëm ulja problemi. Problemi është vendosja e praktikës së majorizimit dhe përjashtimit. Kjo është një goditje e drejtpërdrejtë ndaj bashkëjetesës, ndaj parimit të konsensusit dhe barazisë. Arsyeja pse u pranua Marrëveshja e Ohrit ishte pikërisht ideja që të mos ketë më mbivotim etnik“, tha Osmani.
Ai bëri thirrje që këto hapa të mos normalizohen, sepse çojnë prapa në një kohë që Maqedonia e Veriut e ka tejkaluar prej kohësh.
