Protesta të dhunshme janë shënuar në Britani një ditë më parë.
Qytetarët janë lëshuar masivisht në rrugë, pasi janë kundër një projektligji që fuqizon rolin e policisë në protesta. Ajo që nisi si një grumbullim paqësor i rreth 5 mijë aktivistëve, mori një tjetër rrjedhë dhe si pasojë gjashtë oficerë policie u plagosën rëndë.
Po ashtu, stacioni i policisë Bridewell u bllokua dhe qindra persona u panë duke thyer xhama, e duke iu vënë flakën automjeteve të policisë.
Megjithë kundërshtimin publik dhe votat kundër, projektligji do t’i japë policisë më shumë pushtet për të vendosur kushte në protesta.
