Rritja, sipas presidentes së ATEM, Nina Angelovska, është për shkak të rritjes së blerjeve në internet nga platforma të tilla si Booking.com, Netflix, Uber (Holandë), ASOS dhe Amazon UK (Britania e Madhe), si dhe Meta dhe Google (Irlandë). Ky trend, thotë ajo, gjithashtu mund të ndikojë pozitivisht tek shitësit elektronik vendas duke rritur zakonin e blerjeve në internet midis konsumatorëve.
Analiza e Asociacionit për tregti elektronike në Maqedoninë e Veriut (ATEM), duke u bazuar në të dhënat e Bankës Popullore, tregon se gjatë vitit 2024, qytetarët e Maqedonisë së Veriut blerjet nga jashtë vendit i kanë bërë në vlerë prej 284.4 milionë euro me 7.4 milionë transaksione, ndërsa shërbimet më të zakonshme janë të lidhura me udhëtime, biletat e avionit, rezervimet e akomodimit, dhe të ngjashme. Krahasuar me vitin 2023, kjo është një rritje prej 45.4%, ndërsa numri i transaksioneve është rritur për 61.4%, thuhet në analizë.
Shumica e transaksioneve janë realizuar në Irlandë (1.37 milion transaksione), dhe Holandë (41.9 milion transaksione). Këto vende së bashku me Mbretërinë e Bashkuar, SHBA-të, Hungarinë, Greqinë dhe Gjermaninë përbëjnë 74% të vlerës totale dhe 67% të numrit të transaksioneve. Transaksioni mesatar në vitin 2024 ishte 38.6 euro, ose 10% më pak se vitin 2023. Transaksioni mesatar më i shtrenjtë është bërë në Gjermani (214.2 euro), ndërsa më i liri në Luksemburg (14.1 euro).
Normat më të larta të rritjes së transaksioneve ka Greqia (208%), Lituania (162%), Irlanda (141%), ndërsa vlerë të shumës që kanë bërë qytetarët e Maqedonisë kanë me Lituaninë (222%), Irlanda (59%), Mbretëria e Bashkuar (59%), ndërsa rënie është shënuar vetëm në Gjermani – numri i transaksioneve është ulur me 66%, kurse vlera me 3%.
Rritja, sipas presidentes së ATEM, Nina Angelovska, është për shkak të rritjes së blerjeve në internet nga platforma të tilla si Booking.com, Netflix, Uber (Holandë), ASOS dhe Amazon UK (Britania e Madhe), si dhe Meta dhe Google (Irlandë). Ky trend, thotë ajo, gjithashtu mund të ndikojë pozitivisht tek shitësit elektronik vendas duke rritur zakonin e blerjeve në internet midis konsumatorëve.
Por, kush blen nga dyqanet elektronike maqedonase? Mbajtësit e huaj të kartave të pagesave shpenzuan 37.2 milionë euro në vitin 2024 për blerjen e produkteve dhe shërbimeve nga e-shitësit maqedonas – një rritje prej 38.7% në krahasim me vitin 2023. Janë realizuar 1.2 milionë transaksione – një rritje prej 44%. Shumica e transaksioneve dhe vlerave vijnë nga SHBA – 6.3 milionë euro (17% e vlerës totale), Zvicra – 3.5 milionë euro, Gjermania – 2.4 milionë euro. Më pas vijojnë Irlanda (1.85 milionë euro), Turqia, Kosova dhe Serbia. Rritjen më të lartë e kanë shënuar transaksionet nga Irlanda, ndërsa rënie është shënuar në Mbretërinë e Bashkuar.
Angelovska thekson se këto transaksione ka të ngjarë të vijnë nga emigrantët maqedonas që blejnë online për familjet e tyre në shtëpi. Ky është një sinjal për dyqanet elektronike vendase se ka potencial që duhet shfrytëzuar më tej.
