Presidenti i Republikës Bajram Begaj, përshëndeti me anë të një postimi në llogarinë e tij në facebook miratimin nga Asambleja Parlamentare e Këshillit të Europës të rekomandimit për anëtarësimin e Kosovës në KiE.
“Përshëndes vendimin e sotëm të Asamblese Parlamentare të Këshillit të Evropës (PACE). Falenderoj të gjithë ata që kanë punuar dhe kanë mbështetur kërkesën e drejtë të Kosovës për t’u anëtarësuar ne Këshillin e Evropës. Tashmë pritet vetëm hapi final në maj, i cili shënon edhe mometin e merituar për të festuar.”- shkroi Presidenti Begaj menjëherë pas daljes së rezultatit të votimit.
