Një protestë u mbajt para Ministrisë së Punëve të Brendshme në Shkup pas një rasti të dhunës fatale ndaj grave në Veles. Më 15 shtator 2025, R.K. (31) u vra nga ish-partneri i saj I.S. (39), të cilin e kishte denoncuar më parë për dhunë, përcjell Top24
Kaliа Dimitrova nga portali feminist “Meduza” tha se përgjegjësia bie mbi të gjitha institucionet që nuk kanë reaguar – policinë, qendrat për punë sociale, prokurorinë dhe gjyqësorin – si dhe mbi sistemin arsimor që nuk promovon barazi gjinore dhe nuk dënon dhunën bazuar në gjini.
Marta Stevkovska nga rrjeti “Stela” kërkoi përgjegjësi institucionale dhe sanksione për zyrtarët përgjegjës, përfshirë dorëheqje dhe procedura disiplinore, si dhe një hetim të pavarur për mangësitë e institucioneve.
Protestuesit brohoritën: „Asnjë më shumë!” dhe mbajtën pankarta me mesazhe si: „Nga mosveprimi – te varrimi” dhe „Të gjithë jemi Rosica”.
