Pas largimit dhe distancimit të disa figurave të Aleancës për Shqiptarët nga krahu i Arben Taravarit, përfaqësuesit e ASH-së nën udhëheqjen e Ziadin Selës theksojnë se dera është gjithmonë e hapur për rikthimin e tyre në vendin ku e nisën rrugëtimin politik. Ata theksojnë se Sela nuk ka lejuar asnjëherë që anëtarët e ndershëm të partisë të sulmohen, nënçmohen apo përjashtohen, as gjatë bashkëpunimit dhe as pas ndarjes nga grupimet e tjera.
“Nuk ju ftojmë në shtëpinë tuaj, sepse kjo është shtëpia juaj dhe ju këtu e keni vendin. Vetëm duam t’ju rikujtojmë se ju presim, ju besojmë dhe vazhdojmë të jemi të bindur se ju do të riktheheni aty ku gjithmonë keni ndier ngrotësinë, drejtësinë, pastërtinë, guximin dhe krenarinë e vërtetë”, thuhet në njoftimin e ASH-Sela.
