Nënkryetari i BDI-së, Arbër Ademi përmes një postimi ka uruar kryeministrin Edi Rama për përkushtimin e tij në rrugëtimin e Shqipërisë drejtë Bashkimit Europian e në veçanti tani me hapjen e të gjithë grupkapitujve për antarsimin e Shqipërisë në BE, shkruan Top24
Urime Kryeministrit Edi Rama për arritjen e një objektivi historik në procesin e integrimit evropian: hapjen e të gjitha grup-kapitujve të negociatave me Bashkimin Evropian.
Kjo është një fitore e rëndësishme për qytetarët e Shqipërisë, për stabilitetin e rajonit dhe për të gjithë ne që besojmë në të ardhmen evropiane. Është rezultat i vizionit, këmbënguljes dhe punës së palodhur të qeverisë shqiptare të udhëhequr nga Rama.
Urojmë që këtij rrugëtimi t’i bashkohet sa më shpejt edhe Maqedonia e Veriut, në mënyrë që krah për krah të ecim drejt familjes sonë të përbashkët evropiane.
