Kryetari i BDI-së, Ali Ahmeti, i shoqëruar nga nënkryetari i partisë, Sadulla Duraku, ka vizituar sot pikën kufitare Bellanoc-Stançiq. Në këtë pikë kufitare mes Maqedonisë së Veriut dhe Kosovës, Ahmeti është pritur nga zëvendës kryeshefi, Memet Halimi. Ai e ka njoftuar Ahmetin për bashkëpunimin që realizohet në këtë pikë kufitare me policinë e Kosovës.
Halimi poashtu e ka njoftuar Ahmetin për përfaqësimin adekuat në këtë pikë kufitare, ku gjithsej janë të punësuar 56 policë, e prej tyre 32 janë shqiptarë, 23 maqedonas dhe 3 serbë.
Pika kufitare Bellanoc-Stançiq u hap para më shumë se një viti e gjysmë dhe ajo afron komunën e Likovës dhe Kumanovës me Gjilanin dhe Vitinë.
