Kryetari i Bashkimit Demokratik për Integrim, Ali Ahmeti në vizitën e tij në Kosovë në nderë të Epopesë së Ushtrisë Çlirimtare Kosovës, pas homazheve në Prekaz dhe pritjes në kullën e Jasharajve ka ndaluar për të vënë kurora te vari i shokut, vëllaut e bashkëluftëtarit tim të ngushtë, heroit të kombit Fehmi Lladrovci, si dhe te heroinë Xhevës, shkruan Top24
Nuk mund të largohem nga Kosova ime e dashur dhe e shtrenjtë pa bërë nderime te varri i shokut, vëllaut e bashkëluftëtarit tim të ngushtë, heroit të kombit Fehmi Lladrovci, si dhe te heroinë Xhevës.
Në këto ditë kur po shënojmë përvjetorin e Epopesë së UÇK-së, kujtimi për sakrificën dhe heroizmin e tyre mbetet i gjallë në ndërgjegjen tonë kombëtare.
Fehmiu e Xheva janë shembulli më i lartë i përkushtimit ndaj lirisë dhe dinjitetit të popullit tonë.
Lavdi përjetë Fehmiut dhe Xhevës, dhe të gjithë dëshmorëve të Ushtrisë Çlirimtare të Kosovës!
