SHBA- Gjatë ditëve të fundit, disa nga aleatët tradicionalisht më të vendosur të Trump në krahun MAGA të Partisë Republikane janë shprehur hapur si kritikë ndaj çdo përfshirjeje të SHBA-së në konfliktin Izrael-Iran. Ata shprehen se Presidenti Trump në fund të fundit, bëri fushatë të fortë për të shmangur ndërhyrjet e kushtueshme jashtë vendit në kurriz të amerikanëve në vend.
Ish-strategu i Trump, Steve Bannon, tha më parë këtë javë se përfshirja e SHBA-së do të “hedhë në erë” koalicionin e mbështetësve të Trump dhe do të “pengonte” axhendën e tij të brendshme, veçanërisht deportimet masive.
Megjithatë, të mërkurën, Bannon dukej se e zbuti pak tonin e tij, duke u thënë pjesëmarrësve në një aktivitet të Christian Science Monitor se krahu MAGA i mbështetësve të tij do t’i besonte gjykimit të tij nëse ai vendoste të angazhonte forcat amerikane në konflikt.
“Ndoshta e urrejmë, por e dini, do ta pranojmë,” tha ai.
Një tjetër komentator politik konservator, Charlie Kirk – i cili e përshkruan veten si më afër anës “izolacioniste” të debatit – tha në X se Trump është “pragmatik” dhe vlerëson “logjikën e shëndoshë”.
“Nuk e di nëse Presidenti Trump do të zgjedhë ta përfshijë Amerikën kundër Iranit”, shkroi Kirk. “Por ai është një njeri të cilit i besoj se do ta marrë këtë vendim”, tha ai.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
