Tre veta veta kanë humbur jetën dhe shumë të tjerë janë lënduar në një aksident trafiku që ka ndodhur pasditen e sotme në magjistralen Shtip-Miladinovci, rreth gjysmë kilometër nga rruga me pagesë afër fshatit Kadrifakovë.
Jozyrtarisht bëhet fjalë për nënë e bijë dhe një viktimë tjetër po ashtu femër. Sipas informacioneve të TV Telma, disa persona kanë mbetur të plagosur, ndërsa informacionet fillestare janë se një vajzë 15-vjeçare, një 37-vjeçare dhe një 62-vjeçare kanë vdekur në vend nga përplasja e dy automjeteve, përcjell INA.
Për momentin nuk dihen shkaqet për aksidentin. Zëdhënësja e SPB-së Shtip, Gordana Panajotova theksoi për MIA se bëhet fjalë për aksident ku sipas informacioneve të para një vajzë 15 vjeçare dhe një grua 62 vjeçare humbën jetën në vendin e ngjarjes. Ka edhe të lënduar me lëndime të rënda trupore, që janë hospitalizuar në spitalin klinik në Shtip.
Aksi rrugor ishte tërësisht i mbyllur pas çka janë krijuar kolona e gjatë me kilometra. Ky është aksident i dytë brenda një jave me pasoja fatale në këtë pjesë të Maqedonisë.(INA)
