Sekretari i përgjithshëm i BDI-së, Faton Ahmeti përmes një postimi në profilin e tij në FB ka uruar zgjedhjen e prof.dr. Sadudin Ibraimi për rektor të ri të UEJL-së, duke shënuar se “Besimi i dhënë është dëshmi e përkushtimit tuaj akademik, integritetit personal dhe vizionit për arsimin e lartë” shkruan Top24
Urime për Rektorin e ri të UEJL-së
I dashur prof.dr. Sadudin Ibraimi,
Me rastin e zgjedhjes në krye të Universitetit të Evropës Juglindore, ju shpreh urimet më të sinqerta dhe të përzemërta për këtë detyrë të rëndësishme dhe të nderuar.
Besimi i dhënë është dëshmi e përkushtimit tuaj akademik, integritetit personal dhe vizionit për arsimin e lartë. Uroj që mandati juaj të jetë i mbushur me suksese, zhvillim të mëtejshëm të universitetit dhe avancim të cilësisë në arsimim, kërkim shkencor dhe bashkëpunim ndërkombëtar.
Universiteti si institucion i dijes dhe i përparimit, ka rol kyç në formimin e gjeneratave të reja dhe në ndërtimin e një shoqërie më të drejtë dhe më të ditur. Në këtë rrugëtim të rëndësishëm, ju uroj shëndet, vendosmëri dhe vizion të qartë drejt së ardhmes.
Suksese në detyrë!
