Kuvendi i Republikës së Maqedonisë së Veriut ka zgjedhur Admir Shabanin në postin e zëvendësministrit të Mbrojtjes. Pro emërimit të tij votuan 72 deputetë, duke siguruar shumicën e nevojshme për konfirmimin në këtë detyrë, shkruan Top24
Emërimi i Shabanit vjen në një periudhë të rëndësishme për sektorin e mbrojtjes, në kohën kur vendi po vazhdon reformat në përputhje me standardet e NATO-s dhe angazhimet ndërkombëtare.
Nga shumica parlamentare u vlerësua përvoja dhe përgatitja e tij profesionale.
Me këtë votim, Ministria e Mbrojtjes plotëson përbërjen e saj drejtuese, duke synuar vazhdimin e projekteve strategjike dhe bashkëpunimit me partnerët ndërkombëtarë.
