Në portin më të madh të Republikës së Shqipërisë, është zbuluar dhe konfiskuar sasi e re e kokainës, në një kontejner me banane porosi për kompaninë “Alba Exotic Gruit” nga Tirana.

Policia informoi se është kryer kontroll i detajuar në dy nga kontejnerët e ngarkuar me banane, të cilat kanë arritur nga Ekuadori, në emër të kompanisë së përmendur.

“Si rezultat i kontrollit të detajuar, në pjesën e fundit, në kapakët e motorëve ftohës në të dy kontejnerët, u gjet dhe u sekuestrua një sasi prej 10 kilogramësh dhe 185 gramë lëndë narkotike e dyshimtë kokainë”, njoftoi policia.