Ligji për turizmin pritet të shkojë javën e ardhshme për aprovim në Qeverinë e Kosovës.
Kështu ka bërë të ditur ministrja e Industrisë, Ndërmarrësisë dhe Turizmit, Rozeta Hajdari derisa ka folur në konventën e 29 të Asamblesë së Përgjithshme të Aleancës së Agjencive të Lajmeve të Ballkanit (ABNA).
Ajo ka thënë se drafti është finalizuar dhe çdogjë është bërë në koordinim me akterët relevantë.
“Dua t’ju njoftoj se së bashkë me Unionin e Turizmit të Kosovës me të cilin kemi bashkëpunim dhe memorandum mirëkuptimi, jemi duke zhvilluar edhe politikën për turizmin dhe ligjin për turizmin që është në draftin final, po i presim komentet, që të përcjellët javën e ardhshme për aprovim në qeveri sepse nga ana jonë është finalizuar, zoti Hoti bashkë me akterë tjerë të turizmit ka sjellur shumë impute. Bazohem gjithmonë në politikat e bazuara në evidencë sepse evidenca është ajo që sjellë politika më të mira, andaj nuk shtyej asgjë në qeveri për aprovim pa u konsultuar me gjithë akterët relevantë, dhe në këtë rast edhe gazetaria, komunikimi ka shumë vend ku mund të jetë vlerë e shtuar në politikbërjen tonë”, ka thënë ajo.
Ajo ka bërë të ditur se në grandet e ndërmarrësisë dhe inovacioni janë duke promovuar edhe industrinë e turizmit.
“Në grandet e ndërmarrësisë, inovacionit jemi duke promovuar edhe industrinë e turizmit sepse është një potencial që Kosova nuk e ka shfrytëzuar deri tani dhe duhet ta shfrytëzoj, ndoshta në të ardhmen ta lidhim edhe pjesë ne dixhitalizmit sepse jemi në shekullin e 21 dhe dixhitalizimi do të na ndihmoj në zhvillmini e turizmit”, ka shtuar ajo.
Në punimet e Konventës së 29 të Asamblesë së Përgjithshme të Aleancës së Agjencive të Ballkanit (ABNA), që sivjet po mbahet në Prishtinë nën organizmin e Agjencisë së Lajmeve KosovaPress, po diskutohet edhe për rëndësinë e prezantimit të turizmit përmes mediave dhe mundësitë për bashkëpunim që mund të jenë në mes institucioneve publike për turizëm dhe mediave.
Argjentina Grazhdani, drejtoreshë e Swisscontact, të cilët merren me promovimin e fushës së turizmit, tha se Kosova e ka kulturën dhe një ambient tejet të mirë, i cili do të mund të prezantohej dhe të gjente hapësirë në mediat vendore.
“Turizmi botëror ka identifikuar mediat si diçka shumë faktorshme, si desticnacion i ri emergjent, pse është e rëndësishme kjo, sepse pas COVID-it duhet të mendojmë për një turizëm të qëndrueshëm ku komuniteti mund të përfitojë. Sepse shumë e më shumë njerëzit po shohin mundësi si munden me përfitu përvoja të turizmit, si mundet me funskionu, ne e dimë që turizmi është po ashtu i rëndësishëm për femra, pjesëmarrja e femrave në këtë atraksion është më shumë se 40%, gratë të cilat nuk kanë qenë aktive në treg pune por i përdorin gjerat tradicionale që i kanë bërë, për turizëm”, ka thënë ajo.
Sipas saj, ka shumë tregime që nuk janë dëgjuar e që lidhen me turizmin.
“Çka shohim në media, puna juaj është ta njoftoni publikun, ta tregoni të vërteten në mënyrë profesionale, por ajo që shohim ne, kemi mjaft reagime të ndryshme njerëzore dhe e gjithë media është e fokusuar në agjenda politike, që është me rëndësi të njëjtë, por mungojnë aq shumë të prekin tema të tjera të rëndësishme të vendit, çka po ndodhë në lëvizjen e njerëzve në jetën e njerëzve. Kur analizojmë rrjetin e turizmit, kush vjen, cilat janë segmentet që jemi të interesuar t’i prekim, dhe pas COVID-it secili shtet do të fokusohet në regjion”, ka shtuar ajo.
Baki Hoti nga Unioni i Turizmit të Kosovës ka theksuar rëndësinë që ka turizmi për zhvillimin e një vendi, në veçanti për punësim.
“Turizmi është një industri që lidh shumë akterë, turizëm nuk është vetëm pjesa e hotelit, agjencioneve turistike, guidave, por lidhen shumë gjëra të tjera dhe është një zinxhir, çdo gjë lëviz nga turizmi, kur kemi lëvizje të njerëzve konsiderohet element i turizmit. Sa i përket Kosovës, për fatin e keq asnjë qeveri deri tash nuk e ka pasur prioritet turizmin dhe kjo ka ndikuar të mos zhvillohet në masën sa duhej pavarësisht se Kosova nuk ka det po ka 12 muaj turizëm, ka vende atraktive jashtëzakonisht të bukura, ka një kulturë dhe traditë shumë të pasur, një mikpritje që rrallë në vende të botës mund ta gjesh, ushqime tradicionale fantastike dhe të gjitha këto e bëjnë një element shumë të rëndësishëm të potencialit për zhvillimin e turizmit në Kosovë”, ka thënë Hoti.
Hoti ka thënë se periudha me pandeminë ka ndikuar negativisht në këtë sektor për çka edhe i ka detyruar sektorin privat që të bëhen bashkë dhe të kërkojnë refkëtimë nga qeveria me qëllim të mbështetjes së këtij sektori i cili u rëndua gjatë përhapjes së COVID-19.
“Kemi përfunduar ligjin për turizmin, kemi në proces e sipër strategjinë e turizmit dhe kemi filluar edhe pjesën e brendit dhe sloganit të turizmit, janë tri elemente bazë për një zhvillim të shëndoshë të sektorit, kjo po na lë të kuptojmë që po lëvizë diçka përpara, Kosova e meriton të kemi një zhvillim më të madh të turizmit, të kemi mbështetje më të madhe nga institucionet”, ka thënë ai.
Ai ka theksuar se roli i mediave është tejet i rëndësishëm në promovimin e turizmit të një vendi.
“Media dhe Agjencitë e Lajmeve në epokën e PostCovid” është tema që shënon kuvendin e sivjetmë që ABNA e që shënohet në Kosovë nën organizmin e Agjencisë së Lajmeve KosovaPress.
Agjencitë e 12 shteteve të Ballkanit po qëndrojnë në Kosovë, ku do të diskutojnë rreth pandemisë dhe ndikimit që ka pasur në punën e medias.
Pritja e tyre është bërë dje në një organizim në Muzën e Kosovës, ku të pranishmit janë njoftuar prej afër me historinë e vendit.
