Presidenti i Turqisë, Recep Tayyip Erdogan, pohoi se vendi i tij ka mbajtur bisedimet e para me talebanët në Kabul dhe shtoi se Ankaraja është duke vlerësuar ofertën e grupit islamik për të operuar me aeroportin e Kabulit.
“Kemi mbajtur bisedimet e para me talibanët, të cilat kanë zgjatur tri orë e gjysmë. Nëse është e nevojshme, do të kemi mundësi te zhvillojmë dhe bisedime të tjera”, tha Erdogan.
Turqia ka planifikuar të ndihmojë në sigurimin dhe drejtimin e aeroportit të Kabulit, por të mërkurën ajo filloi të tërheqë trupat e saj nga Afganistani. Erdogan tha se talebanët tani duan të mbikëqyrin sigurinë në aeroport, ndërsa Ankarasë i kanë ofruar mundësinë për të drejtuar logjistikën e tij. Sulmet vetëvrasëse të një dite më parë e kanë nxitur Turqinë sipas tij, të interesohet më shumë sesi do të garantohet siguria e qendrës ajrore.
Top Channel
