Ministri i Bujqësisë, Pylltarisë dhe Ekonomisë së Ujërave, Arjanit Hoxha ka vazhduar agjendën e tij të takimeve me bujq në fshatin Haraçinë të Shkupit ku ka takuar disa drejtues të kombinateve të ndryshme bujqësore.
Hoxha nga Haraçina premtoi se do të vazhdojë të dëgjoj zërin e bujqëve dhe do të jetë transparent në zhvillimin e bujqësisë.
“Në kuadër të fushatës për të dëgjuar bujqit rreth projekt ligjit për shitjen e tokës bujqësore realizova takim me drejtuesit e disa kombinateve bujqësore. Një prej tyre është edhe Nuri Sulejmani nga Haraçina i cili si udhëheqës i Kombinatit Bujqësor “Singeliç” punon tokën bujqësore në sipërfaqe prej 750 hektarëve.
