Shtetet e Bashkuara po përgatiten për mundësinë që një vaksinë ndihmëse të jetë e nevojshme ndërmjet nëntë dhe 12 muaj pas vaksinës së parë kundër covid-19, tha sot zëdhënësi i Shtëpisë së Bardhë David Kessler.
“Ndërsa studion kohëzgjatjen e imunitetit pas vaksinimit, vaksinimet mund të jenë të nevojshme përsëri,” tha Kessler, kry shkencëtar në Njësinë e Reagimit Covid-19, në një takim të bordit të kongresit.
Të dhënat e para treguan se vaksinat e ndërmarrjeve “Moderna” dhe “Pfizer” ruajnë shumë nga efektiviteti i tyre për të paktën gjashtë muaj.
Edhe nëse ajo mbrojtje zgjat shumë më gjatë, ekspertët besojnë se përhapja e shpejtë e llojeve të koronavirusit dhe të tjerë që mund të ndodhin mund të kërkojnë vaksinime të rregullta, të tilla si gripi.
Shtetet e Bashkuara gjithashtu monitorojnë infeksionet tek njerëzit që janë plotësisht të vaksinuar, tha Rochelle Valensky, drejtoreshë e Qendrave të SH.B.A.-së për Kontrollin dhe Parandalimin e Sëmundjeve (CDC).
Nga 77 milion njerëz të vaksinuar në Shtetet e Bashkuara, kishte 5.800 infeksione të tilla, duke përfshirë 396 njerëz në nevojë për shtrim në spital dhe 74 vdekje.
Burimi:blic.rs
