Eronita, bashkëshortja e njohur e këngëtarit Blero, ka ndarë përvojat e saj më të thella në një intervistë ekskluzive për Prive By LS.
Ajo ka zbuluar detaje të rëndësishme rreth jetës së saj private, duke përfshirë marrëdhënien e veçantë që ka me vajzën e saj, Tarën. Eronita e përshkruan Tarën si pjesën më të rëndësishme të jetës së saj, duke theksuar se ajo dhe djali i saj janë qendra e botës së saj.
“Tara është një fëmijë i mrekullueshëm, e jashtëzakonshme për moshën e saj. Ajo është shumë inteligjente dhe e pjekur,” ka thënë Eronita, duke shprehur dashurinë e saj të thellë për fëmijën.
Eronita ka treguar se marrëdhënia e saj me Tarën është aq e ngushtë, sa ndonjëherë kalojnë më shumë kohë së bashku sesa ajo me Bleron. Ajo e sheh Tarën si një shoqe dhe një motër të vogël, duke e përjetuar këtë lidhje si një rikthim në fëmijërinë e saj.
“Nganjëherë kaloj më shumë kohë me Tarën sesa me Blerimin, dhe kjo është diçka që e dua. Është si të kesh një pjesë të vetes sime, një reflektim të asaj që kam qenë,” ka shpjeguar ajo me emocion.
Por si ka qenë takimi i tyre i parë? Eronita ka pranuar se ndjeu njëfarë sikleti, duke qenë shumë e kujdesshme për mënyrën se si do ta priste Tara në jetën e saj.
“Isha shumë e shqetësuar për atë moment. E dija se si mund të ndihej Tara ndaj meje, prandaj e kam ruajtur atë pjesë me shumë kujdes,” ka treguar Eronita, duke theksuar rëndësinë e këtij takimi.
Intervista e saj për “25 Pyetje” përfshin gjithashtu komente mbi marrëdhëniet familjare dhe planet për të ardhmen, duke zbuluar më shumë rreth dinamikës së jetës së saj me Bleron dhe fëmijët e tyre.
Intervistën e plotë mund ta ndiqni më poshtë. /Prive By LS
