Sipas parashikimit aktual mujor, bora e parë në Shkup mund të bjerë rreth 15 nëntorit. Për këtë ditë parashikohet temperaturë maksimale prej rreth 8 gradësh dhe minimale afër zeros, ndërsa në parashikim është shënuar edhe mundësia për reshje dimërore.
Ulja e temperaturave pritet të vazhdojë edhe në ditët në vijim. Më 16 dhe 17 nëntor, temperaturat minimale mund të zbresin në rreth -2 gradë, ndërsa ato gjatë ditës pritet të jenë rreth 6 gradë.
Megjithatë, sipas parashikimit aktual, fillimi i nëntorit do të jetë dukshëm më i ngrohtë. Më 1 nëntor priten rreth 17 gradë, ndërsa në ditët e para të muajit temperaturat ditore do të lëvizin nga 14 deri në 17 gradë.
Temperatura edhe më të ulëta parashikohen për muajin dhjetor. Në gjysmën e parë të muajit, temperaturat minimale shpesh mund të zbresin nën zero, ndërsa në fund të dhjetorit parashikohen temperatura të mëngjesit deri në -6 dhe -7 gradë.
Në gjysmën e dytë të dhjetorit, në parashikimin afatgjatë shfaqen sërish ditë me reshje dimërore, ndërsa temperaturat ditore gjatë periudhës më të ftohtë pritet të mbeten vetëm disa gradë mbi zero.
Aktualisht, 15 nëntori është data e parë për të cilën AccuWeather parashikon mundësi për reshje bore në Shkup.
