Gjatë 24 orëve të fundit, në vende të ndryshme të vendit, policia ka privuar nga liria 10 shoferë për shkak të kryerjes së veprës penale “drejtim i papërgjegjshëm i automjetit motorik” sipas nenit 297-a të Kodit Penal.
Nga ta, katër persona kanë drejtuar automjet pa pasur dhënë provimin e lejes së drejtimit: T.T. (43) nga Bitola, O.I. (44) nga Kërçova, një i mitur nga Shkupi, si dhe M.S. (35) nga fshati Vatasha, i Kavadarit, i cili ka drejtuar një traktor.
Dy shoferë kanë drejtuar automjet nën ndikimin e alkoolit. Te D.B. (21) nga Shkupi janë matur 1,99 promil alkool në gjak, ndërsa te J.G. (67) nga Shtipi janë matur 1,77 promil alkool.
Tre shoferë kanë drejtuar automjet pavarësisht se kishin në fuqi masën e ndalimit të drejtimit të automjetit motorik: Z.S. (55) dhe I.S. (54), të dy nga Kërçova, si dhe S.M. (58) nga fshati Iliovo, i Dellçevës.
Gjithashtu, një i mitur nga Negotino ka drejtuar motocikël pa pasur leje drejtimi, ndërsa automjeti ishte i paregistruar.
Pas dokumentimit të plotë të rasteve, do të paraqiten kallëzimet penale përkatëse.
Ministria e Punëve të Brendshme apelon te të gjithë pjesëmarrësit në trafik që të respektojnë me përpikëri rregullat dhe dispozitat e qarkullimit rrugor, të mos drejtojnë automjet pa pasur dhënë provimin e lejes së drejtimit, me masë aktive ndalimi të drejtimit ose nën ndikimin e alkoolit dhe së bashku të kontribuojmë për një trafik më të sigurt.
