Shqipëria pësoi një humbje 2-1 ndaj Finlandës në Helsinki, në një ndeshje që kuqezinjtë e nisën në mënyrën më të mirë, por që u përmbys pas daljes me karton të kuq të Etrit Berishës.
Kuqezinjtë kaluan në avantazh që në minutën e 4-t. Asllani ekzekutoi një goditje këndi dhe Rey Manaj u tregua i saktë me kokë, duke dërguar topin në rrjetë dhe duke i dhënë Shqipërisë avantazhin.
Situata u komplikua ndjeshëm në minutën e 22-të. Etrit Berisha kreu një ndërhyrje të gabuar jashtë zone dhe u ndëshkua direkt me karton të kuq, duke e lënë Shqipërinë me dhjetë lojtarë.
Vetëm tre minuta më vonë, trajneri u detyrua të bëjë edhe një zëvendësim të detyruar, me Sherrin që hyri në portë në vend të Hoxhës.
Finlanda përfitoi nga epërsia numerike dhe në minutën e 26-të gjeti golin e barazimit. Walta ekzekutoi një goditje dënimi rrafsh me tokën dhe mposhti Sherrin për 1-1.
Pjesa e parë u mbyll në barazim, ndërsa në fraksionin e dytë Shqipëria tentoi të rezistonte dhe të kërkonte mundësinë për të kaluar sërish në avantazh.
Në minutën e 71-të, megjithatë, Walta u shfaq sërish protagonist. Finlandezi ekzekutoi një tjetër goditje dënimi me të djathtën dhe e dërgoi topin në rrjetë, duke përmbysur rezultatin në 2-1.
Kuqezinjtë tentuan të reagonin në minutat e mbetura. Pilo pati një mundësi të mirë në minutën e 60-të, por goditja e tij e dytë shkoi jashtë, ndërsa në minutën e 80-të Uzuni u pengua në zonë dhe kërkoi penallti. Pas ndërhyrjes së VAR-it, vendimi ishte se nuk kishte 11-metërsh.
Me këtë sukses, Finlanda ngjitet për momentin në vendin e parë të grupit C1 me 7 pikë, ndërsa Shqipëria zbret e dyta me 6 pikë.
Rezultati:
Finlandë 2-1 Shqipëri
Walta 26′, 71′ / Manaj 4′
Komenti Live:
90+6′ Mbyllet sfida me fitoren 2-1 të Finlandës.
90+4′ Mehmeti provon me një gjuajtje nga goditja e dënimit, por topin ndalet në duart e portierit.
90′ Akordohen 5 minuta shtesë.
82′ Zëvendësim te Finlanda. Largohet Walta dhe në vendin e tij futet Valakari.
81′ Vjen konfirmimi i VAR. Nuk ka penallti për kuqezinjtë.
80′ Uzuni pengohet në zonë dhe pretendon për penallti, ndërsa arbitri e ndëshkon me karton të verdhë për protesta.
77′ Shqipëria kryen dhe dy zëvendësimet e fundit. Largohen Pilo dhe Asllani. Në vendet e tyre futen Mehmeti dhe Shehu.
74′ Gjimshiti ndëshkohet me karton të verdhë pas një ndërhyrje të gabuar.
71′ Gol Finlanda 2-1/ Walta provon me të djathtën nga goditja e dënimit dhe e dërgon topin në rrjetë. (Video)
65′ Zëvendësim te Shqipëria. Largohet Muçi dhe në vendin e tij futet Uzuni.
62′ Dy zëvendësime te Finlanda. Largohen Hakans dhe Miettinen, në vendet e tyre futen Jukkola dhe Vaisanen.
60′ Pilo futet në zonë dhe godet, por ndalet nga Hradecky. Topi rikthehet sërish te mesfushori, i cili në tentativën e dytë godet jashtë.
59′ Ramadani ul një top në zonë dhe Gjimshiti e devijon, por portieri Hradecky arrin ta kontrollojë.
54′ Hakans provon me një gjuajtje fluturimthi nga jashtë zone, por tentativa e tij shkon jashtë kuadratit.
46′ Zëvendësim te Finalnda. Largohet Kairinen dhe në vendin e tij futet Kamara.
46′ Zëvendësim te Shqipëria. Largohet Manaj dhe në vendin e tij futet Daku.
46′ Nis pjesa e dytë!
45+3′ Mbyllet pjesa e parë!
45′ Akordohen 3 minuta shtesë.
42′ Ramadani tenton të kthejë një top me kokë në zonë, por tentativa e tij është e gabuar.
31′ Sherri ndëshkohet me karton të verdhë.
26′ Gol Finlanda 1-1/ Walta gjuan rrafsh me tokën nga goditja e dënimit dhe ndëshkon ekipin kuqezi. (Video)
25′ Zëvendësim i detyruar te Shqipëria. Largohet Hoxha dhe Sherri e zëvendëson duke u futur në portë.
22′ Etrit Berisha shkakton një ndërhyrje të gabuar jashtë zone dhe ndëshkohet me karton të kuq, duke lënë kuqezinjtë me 10 lojtarë. (Video)
15′ Hoxha lëviz në hyrje të zonës dhe godet me të djathtën, por topi shkon jashtë kuadratit.
4′ Goool Shqipëria 0-1/ Asllani kroson nga këndorja dhe Manaj godet me kokë duke kaluar në avantazh kuqezinjtë. (Video)
1′ Starton sfida në Helsinki!
Formacionet Zyrtare:
