Një nga rritjet më të rëndësishme prek punëtorët e kualifikuar në sektorin e punimeve të kulmeve. Për këtë kategori, paga minimale do të rritet nga 16.60 euro në 17.10 euro bruto për orë. Rritja nuk vlen për gjithë sektorin e ndërtimtarisë, por vetëm për profesionet dhe ndërmarrjet që përfshihen në rregulloret përkatëse sektoriale.Në sektorin e kulmeve, minimumi prej 17.10 eurosh do të vlejë për punëtorët e kualifikuar që kryejnë punë profesionale në këtë fushë. Këtu mund të përfshihen punëtorët e kulmeve, zdrukthëtarët, llamarinistët dhe persona me kualifikime të tjera profesionale të njohura për punët përkatëse.
Rregullat mund të marrin parasysh edhe kualifikime profesionale të fituara jashtë Gjermanisë, nëse ato plotësojnë kriteret përkatëse.Për punëtorët e pakualifikuar në sektorin e kulmeve, të cilët kryejnë kryesisht punë ndihmëse si bartja e materialeve, pastrimi apo përgatitja e kantierit, minimumi është 14.96 euro bruto për orë.Ndryshim do të ketë edhe për punëtorët në sektorin e montimit dhe çmontimit të skelave.
Nga 1 janari 2027, paga minimale sektoriale në këtë fushë do të rritet nga 14.35 në 14.90 euro bruto për orë.Kjo kategori nuk përfshin vetëm montimin e skelave, por sipas fushës së zbatimit mund të përfshijë edhe punë të lidhura me logjistikën, mirëmbajtjen, ngarkimin dhe transportimin e materialeve të skelave.Nga fillimi i vitit 2027, paga minimale e përgjithshme në Gjermani do të jetë 14.60 euro bruto për orë.
Kjo do të thotë se punëtorët që përfshihen në sektorët me minimum të posaçëm duhet të paguhen sipas nivelit më të lartë që vlen për profesionin e tyre.Në rastin e një punëtori të kualifikuar në sektorin e kulmeve, punëdhënësi nuk mund të mbështetet vetëm në minimumin e përgjithshëm prej 14.60 eurosh, pasi minimumi sektorial do të jetë 17.10 euro për orë.Me një llogaritje orientuese prej rreth 40 orësh pune në javë, 17.10 euro për orë do të korrespondonin me rreth 2.964 euro bruto në muaj.
