Një delegacion i Senatit të Republikës së Francës sot do të qëndrojë për vizitë në Kuvendin e Maqedonisë së Veriut.
Gjatë vizitës, anëtarët e delegacionit francez do të zhvillojnë takim me kryetarin e Kuvendit, Afrim Gashi.
Delegacioni pritet të takohet edhe me Diana Toska, kryetare e Grupit parlamentar për bashkëpunim me Parlamentin e Republikës së Francës.
Vizita synon forcimin e bashkëpunimit ndërparlamentar mes Maqedonisë së Veriut dhe Francës, si dhe shkëmbimin e qëndrimeve dhe përvojave ndërmjet dy institucioneve ligjvënëse.
Gjatë takimeve pritet të diskutohen çështje me interes të përbashkët, përfshirë marrëdhëniet bilaterale dhe bashkëpunimin parlamentar mes dy vendeve.
