Një avion italian u godit gjatë sulmeve në bazën ajrore në Arabinë Saudite, njoftoi të premten ministri i Mbrojtjes, Guido Crosetto, transmeton Anadolu.
Crosetto vuri në dukje se ai ndoqi situatën në bazën ajrore Ta’if të Arabisë Saudite, “e cila ishte shënjestra e disa sulmeve dhe ku personeli italian është i pranishëm si pjesë e Operacionit Inherent Resolve”, sipas agjencisë së lajmeve ANSA.
Ai konfirmoi se asnjë personel ushtarak italian nuk ishte i përfshirë.
“Gjatë sulmit, një avion italian F-2000 u godit. Ishte brenda bazës, në një zonë të largët. Nuk ka dëme të tjera në automjete ose infrastrukturë të përdorur nga personeli ynë”, tha Crosetto.
Ai vuri në dukje se ka kërkuar që të sigurohet një vlerësim i mëtejshëm i situatës në zhvillim, gjendjes së personelit të tyre dhe opsioneve të mundshme operacionale.
Crosetto shtoi se ishte siguruar se të gjitha masat e sigurisë për të mbrojtur personelin ushtarak ishin vendosur tashmë prej disa kohësh.
“Situata po ndiqet me vëmendjen më të madhe, me qëllim sigurimin e mbrojtjes së plotë të personelit tonë dhe operimin me përgjegjësinë e nevojshme”, tha më tej Crosetto.
Arabia Saudite është përballur me një seri sulmesh me raketa dhe dronë që u atribuohen rebelëeve Huthi në ditët e fundit, mes tensioneve rajonale në rritje.
Luftat midis forcave qeveritare të Jemenit dhe Huthive janë intensifikuar gjithashtu që nga fillimi i korrikut.
Përleshjet e ripërtërira i kanë dhënë fund një periudhe qetësie relative që mbizotëronte kryesisht që kur një armëpushim i ndërmjetësuar nga OKB-ja hyri në fuqi në prill të vitit 2022.
