Pamje spektakolare janë regjistruar gjatë një prej stërvitjeve më të mëdha detare të zhvilluara në kuadër të RIMPAC 2026, ku anija sulmuese amfibe amerikane USS Peleliu (LHA-5) u përdor si objektiv për fundosje në brigjet e Havait.
Pamjet tregojnë momentet kur shpërthime të fuqishme ndodhin në bord, ndërsa anija amerikane përballet me goditje të njëpasnjëshme.
Anija u vu gjithashtu në shënjestër nga sisteme të ndryshme armësh të përdorura nga forcat aleate, përfshirë ato të Spanjës dhe Japonisë.
Shikoni videon :
Një tjetër element i veçantë i stërvitjes ishte përdorimi i një anijeje sipërfaqësore pa pilot (USV), e cila u përdor për të goditur objektivin në një skenar të ngjashëm me sulmet “kamikaze”.
Sipas të dhënave të publikuara për stërvitjen, përdorimi i një USV për të sulmuar një anije objektiv përbën rastin e parë të këtij lloji në një stërvitje SINKEX të SHBA-së.
RIMPAC është një nga stërvitjet më të mëdha detare shumëkombëshe në botë dhe zhvillohet në zonën e Havait, duke mbledhur forca detare nga SHBA-ja dhe vende të ndryshme aleate e partnere.
