Rusia ka goditur një anije tregtare me flamur të huaj në portin ukrainas të Odesës, në Detin e Zi, duke shkaktuar vdekjen e një anëtari të ekuipazhit.
Lajmi është konfirmuar nga guvernatori i rajonit të Odesës, Oleh Kiper, i cili bëri të ditur se anija ishte e ngarkuar me grurë në momentin e sulmit.
Sipas Administratës së Porteve Detare të Ukrainës, anija “Mera Queen” lundronte nën flamurin e Guinea-Bissau.
Sulmi vjen në një kohë kur Rusia ka shtuar ndjeshëm goditjet ndaj porteve ukrainase në Detin e Zi, duke shënjestruar rrugët tregtare dhe eksportet e vendit. Sipas autoriteteve ukrainase, sulme të tilla janë bërë pothuajse të përditshme muajt e fundit, duke rritur shqetësimet për sigurinë e lundrimit dhe eksportit të drithërave nga Ukraina.
