CTG (Kardiotokografia) është një metodë jo-invazive dhe e saktë për monitorimin e rrahjeve të zemrës së fetusit dhe kontraksioneve të mitrës.
CTG na jep informacione të rëndësishme për gjendjen e fetusit, tregon nëse foshnja merr mjaftueshëm oksigjen përmes placentës, monitoron kontraksionet e mitrës dhe mënyrën se si ato ndikojnë në punën e zemrës së foshnjës.
Ekzaminimi është i thjeshtë dhe pa dhimbje. Në barkun e gruas shtatzënë vendosen dy sonda, të cilat fiksohen me një rrip. Njëra sondë monitoron rrahjet e zemrës së foshnjës, ndërsa tjetra mat intensitetin, shpeshtësinë dhe kohëzgjatjen e kontraksioneve të mitrës.
Ky ekzaminim zakonisht fillon nga java e 28-të e shtatzënisë dhe, varësisht nga nevojat, mund të kryhet një herë në javë, ndërsa në shtatzënitë me rrezik edhe më shpesh.
Gjinekologu ynë në LAOR Medical monitoron shtatzëninë me siguri dhe saktësi, përmes kontrolleve të rregullta gjinekologjike dhe përgatitjes së duhur për një lindje të sigurt.
Poliklinika LAOR – Tetovë
Tel. 076 203 814
