Kapiteni i Kombëtares italiane, Gianluigi Donnarumma, ka dhënë mbështetjen e tij të plotë për rikthimin e Roberto Mancinit në stolin e Italisë dhe emërimin e Claudio Ranierit si drejtor teknik.
Gjatë konferencës për shtyp ku u prezantuan zyrtarisht Mancini dhe Ranieri, presidenti i Federatës Italiane të Futbollit, Giovanni Malagò, zbuloi një prapaskenë interesante.
“Dua t’ju tregoj një episod. Mbrëmë mora një mesazh nga Gigio Donnarumma, ndoshta nga muaji i mjaltit. Ai më shkroi: ‘President, është pikërisht ajo që donim unë dhe skuadra. Faleminderit.’”, tregoi Malagò.
Sipas presidentit të FIGC-së, ky mesazh tregon qartë se dhoma e zhveshjes e ka pritur me entuziazëm rikthimin e Mancinit në krye të Kombëtares, ndërsa edhe Claudio Ranieri gëzon besimin e lojtarëve.
Malagò zbuloi gjithashtu se kishte marrë një mesazh urimi edhe nga ish-presidenti i Federatës, Gabriele Gravina, i cili i kishte shkruar se ndante plotësisht zgjedhjen për t’i besuar Kombëtaren dy figurave me përvojë si Roberto Mancini dhe Claudio Ranieri
