Lionel Messi vazhdon të tregojë pse është një udhëheqës i vërtetë, si brenda ashtu edhe jashtë fushës së blertë.
Prapaskena e bukur është zbuluar në rrjetin social TikTok nga Kelci-Rose Bowers, futbolliste e Bournemouth dhe njëkohësisht e dashura e mbrojtësit argjentinas, Marcos Senesi.
Sipas pamjeve të publikuara, secili nga futbollistët ka marrë një set personalizuar që përfshin:
-
Çantë shpine zyrtare: E personalizuar me emrin e çdo lojtari që e pranon.
-
Kit për pijes ‘Mate’: Seti i pijes tradicionale argjentinase, e cila është e padiskutueshme në dhomat e zhveshjes.
-
Borracë luksoze Stanley: Me ngjyrë të artë elegante dhe të stampuar me logon zyrtare të vetë Lionel Messit.
Ky nuk është gjesti i parë i këtij lloji nga kapiteni i “Albiceleste”, i cili njihet për dhuratat e tij bujare me qëllim për të mbajtur të fortë frymën e grupit. Videoja e publikuar nga Bowers ka marrë menjëharë mijëra pëlqime dhe shpërndarje, duke bërë xhiron e rrjeteve sociale e duke konfirmuar edhe një herë dashurinë e madhe që Messi gëzon mes shokëve të tij të skuadrës.
