Kur Lionel Messi debutoi si futbollist profesionist me Barcelonën më 16 tetor 2004, shumë nga yjet që sot përbëjnë kombëtaren e Spanjës ishin ende fëmijë.
Disa ishin vetëm 3, 5 apo 6 vjeç, ndërsa dy prej tyre nuk kishin lindur fare. Më shumë se dy dekada më vonë, Messi vazhdon të jetë protagonist në skenën më të madhe të futbollit, ndërsa përballë tij gjendet një brez që është rritur duke e parë në televizor. Diferenca e brezave është aq e madhe, sa disa nga kundërshtarët e tij të sotëm kanë lindur pasi argjentinasi kishte nisur tashmë karrierën profesioniste.
