Ndërtimi i autostradës Ohër-Kërçovë po hyn në fazën e tij përfundimtare dhe po përparon me një ritëm të shkëlqyer, ka shkruar kryeministri Hristijan Mickoski në një postim në Facebook, duke postuar edhe një video nga një tunel në rrugën Ohër-Kërçovë. “Sot themi me krenari se po i zgjidhim një nga një problemet e trashëguara, më të mëdhatë prej të cilave janë mbikalimet dhe shpatet.
Galeria e parë nga gjithsej 14 është përfunduar dhe asfaltuar plotësisht, një mrekulli e vërtetë inxhinierike, e cila kërkon zgjidhje ndërtimi të nivelit të lartë, veçanërisht për shkak të terrenit kompleks malor nëpër të cilin kalon traseja e autostradës.
Po punohet edhe në tunele, ku aktivitetet e ndërtimit janë në fazën përfundimtare.
34 kilometra të autostradës tashmë janë vënë në funksion, me të cilat kemi arritur standardet më të larta të sigurisë dhe cilësisë dhe të cilat përdoren çdo ditë nga qytetarët.
Ne mbetemi plotësisht të përkushtuar për të përfunduar këtë projekt shumë të rëndësishëm kapital brenda afatit të caktuar.
Ky nuk është vetëm një projekt, kjo është një autostradë që lidh qytetarët, krijon mundësi të reja për ekonominë, turizmin dhe zhvillimin e përgjithshëm ekonomik të vendit”, shkruan Mickoski në postimin me titull “Maqedonia po përshpejton”.
