Fryrja e barkut është një shqetësim i zakonshëm që prek shumë persona dhe shpesh krijon ndjesi parehatie dhe stresi, sidomos kur përpiqemi të ndjekim një dietë të shëndetshme pa rezultate të dukshme.
Ekspertët theksojnë se arsyeja e kësaj gjendjeje lidhet kryesisht me disa zakone ushqimore dhe reagime të organizmit ndaj ushqimeve të caktuara.
Sipas vlerësimeve, tre shkaktarët kryesorë të fryrjes së barkut janë:
Sheqeri i shtuar – Konsumimi i tepërt i produkteve me sheqer mund të ndikojë në tretje dhe të shkaktojë fryrje.
Konsumimi i tepruar i disa ushqimeve të shëndetshme – si frutat, thjerrëzat dhe perimet e gjelbra, të cilat në sasi të mëdha mund të krijojnë gazra dhe fryrje.
Intoleranca ushqimore – disa persona reagojnë ndaj ushqimeve të caktuara pa e ditur, duke përjetuar fryrje dhe parehati në bark.
Specialistët këshillojnë që për të menaxhuar këtë problem, është e rëndësishme të vëzhgohet dieta dhe të identifikohen ushqimet që shkaktojnë reagime negative në organizëm.
