“Punë pa Teka”/ “Nuk ndihesh i detyruar nga zgjedhja e prindërve?”, 18-vjeçari që nuk braktis fshatin i përgjigjet gazetares: E kam me dëshirë këtë punë

Pjesë nga bashkëbisedimi:

Gazetarja: Të pëlqen jeta në fermë?

I riu: Po, përderisa punojmë edhe jetojmë në këtë proces pune, normal që më pëlqen.

Gazetarja: Nuk është se ndihesh i detyruar, për shkak të zgjedhjes së prindërve?

I riu: Jo, jo. Unë e kam me dëshirë këtë punë edhe më pëlqen. Dhe në ardhmen time dua ta zhvilloj po këtë proces.

Gazetarja: Vërtet?

I riu: Po.

Gazetarja: Nuk ke menduar që të largohesh?

I riu: Jo, jo absolutisht.

Gazetarja: Babi e ka provuar emigrimin ë?

I riu: Po, babi po. Gjë që unë nuk dua ta provoj.

Gazetarja: E di nga ai që s’është aq e thjeshtë sa duket?

I riu: Jo, jo.

Gazetarja: Sa herët zgjohesh?

I riu: Herët…

Gazetarja: Apo ia lë babit atë zgjimin shpejt?

I riu: Herët normal që zgjohet babi, po thjesht rreth orës 7:00 besoj, se jam akoma në shkollë.

Gazetarja: Në çfarë klase je?

I riu: Jam në gjimnaz në klasën e 12.