Dy të dyshuarit besohet se kishin marrë pjesë në atë që është quajtur “Turizëm i snajperëve” në Sarajevë, që mblodhi evropianë të pasur të cilën dhanë para për të shtënë mbi burra, gra dhe fëmijë nga pozicionet e snajperistëve serbë mbi qytet. Promoted Content Исчистете ги брадавиците и папиломите со овој трик! Parazol Пронајден е најмоќниот лек за ќелавост! Lossless Step Into 1885 But Don’t Be Scared Of The Human Attractions Zestradar Princess Diana’s Reaction To Charles Says It All Here Zestradar “Një hetim është hapur më 25 prill kundër dy shtetasve austriakë dhe një individi tjetër ende të paidentifikuar lidhur me pjesëmarrjen në të ashtuquajturat ‘ture snajperësh’ në Sarajevë gjatë luftës në Bosnjë”, u tha nga Ministria e Drejtësisë në Austri të martën. Pretendohet se të organizuar nga serbët dhe kroatët, “gjahtarët” morën pjesë në këto “ture” mes viteve 1992-1995 derisa serbët kishin rrethuar qytetin nga i cili afër 14,000 njerëz kishin vdekur. Snajperistët thuhet se ishin strehuar nga milicia serbe në një varrezë hebraike me pamje nga Sarajeva. Ata dyshohen se kanë paguar para shtesë për të vrarë gra shtatzëna dhe fëmijë, dhe kanë festuar deri natën vonë pas të shtënave me armë. Hetimi austriak ndjek atë të nisur nga Italia, e cila ka intervistuar dy persona, përfshirë një 80-vjeçar të dyshuar për pjesëmarrje. Një libër i publikuar muajin e kaluar pretendon se një austriak, me gjasë aristokrat, ishte në mesin e snajperistëve. Libri i gazetarit kroat Domagoj Margetic përmban edhe një intervistë me një ish-major serb të Bosnjës i quajtur në libër vetëm si “Jovan”. “Ai ka thënë se një austriak që erdhi në fund të vitit 1992 dhe më 1993 quhej ‘Grof’ nga serbët. Ai kishte dhënë emrin Sebastian, edhe pse mund të ketë qenë emër i rremë”, i tha “The Times” Margetic. “Po ashtu më është thënë se ushtarët serbë në pikat e kontrollit në Sarajevë kujtonin snajperistë që kishin dhënë pasaporta austriake”. Snajperistë britanikë, francezë, spanjollë, rusë dhe gjermanë po ashtu pretendohen se ishin pjesë e tureve. Pretendimet për këta snajperistë dolën në dritë në një dokumentar të vitit 2022 me titull “Ekspedita e Sarajevës” nga Miran Zupaniq, që e inspiroi gazetarin italian Ezio Gavazzeni të hetonte snajperistët italianë. Puna e tij në një libër nxiti autoritetet italiane të nisnin hetimin vitin e kaluar. Ministria austriake ka thënë se hetimi nuk bazohet në hetimin e Gavazzenit dhe gazeta “Der Standard” raportoi se hetimi nisi nga një burim në Austri. “Inteligjenca austriake ishte shumë prezentë në Bosnjë në vitet 1990 dhe mund të ketë raporte në Austri që përmbajnë emra”, ka thënë Margetic.
Diplomacia Iraniane konfirmoi të mërkurën në mbrëmje se ka marrë dhe po shqyrton propozimin më të fundit të Shteteve të Bashkuara për t’i dhënë fund luftës, ndërsa tensionet në rajon mbeten të larta dhe kërcënimet mes palëve vazhdojnë.
Zëdhënësi i Ministrisë së Jashtme iraniane, Esmail Baghaei, deklaroi për televizionin shtetëror se Teherani ka marrë qëndrimet amerikane përmes ndërmjetësimit të Pakistan dhe aktualisht po i shqyrton ato. Megjithatë, ai theksoi se ekziston “mosbesim i madh” ndaj Uashingtonit.
Irani ka përsëritur kërkesat e tij kryesore, përfshirë lirimin e aseteve iraniane të ngrira jashtë vendit dhe heqjen e bllokadës amerikane ndaj porteve iraniane. Deklaratat erdhën pas vizitës së dytë brenda pak ditësh në Teheran të ministrit të Brendshëm pakistanez, Mohsen Naqvi, i cili po luan rol ndërmjetësues në krizë.
Nga ana tjetër, presidenti amerikan Donald Trump deklaroi se ende ekziston hapësirë për diplomaci, por paralajmëroi se situata ndodhet “në prag” mes një marrëveshjeje dhe rifillimit të konfliktit.
“Ose arrijmë një marrëveshje, ose marrim masa më të ashpra”, tha Trump para gazetarëve në Bazën Ajrore Andrews pranë Uashingtonit, duke shtuar se përgjigjet nga Teherani duhet të jenë “100% të kënaqshme”. Sipas presidentit amerikan, një marrëveshje mund të arrihet shumë shpejt dhe do t’i kursente Iranit “kohë, energji dhe jetë”.
Shpresat për përparim në negociata kanë ndikuar edhe në tregjet ndërkombëtare, ku çmimet e naftës ranë ndjeshëm. Nafta Brent ra me mbi 5%, ndërsa bursat evropiane dhe amerikane u mbyllën në rritje.
Ndërkohë, raportime nga mediat amerikane sugjerojnë se presidenti Trump dhe kryeministri izraelit Benjamin Netanyahu kanë pasur një bisedë të tensionuar lidhur me propozimin për t’i dhënë fund luftës. Sipas Axios dhe Wall Street Journal, Netanyahu ka reaguar ashpër ndaj diskutimeve për kompromis me Iranin.
Nga ana iraniane, zyrtarët kanë refuzuar ultimatumet amerikane. Kryenegociatori iranian, Mohammad Bayer Ghalibaf, deklaroi se Irani “nuk do të tërhiqet për shkak të frikësimit” dhe paralajmëroi se vendi po përgatitet për t’iu përgjigjur çdo sulmi të ri.
Edhe Trupa e Gardës Iraniane kërcënoi se në rast rifillimi të luftës, konflikti do të shtrihet “shumë përtej rajonit”.
Lufta, e cila shpërtheu pas sulmeve të SHBA-së dhe Izraelit ndaj Teheranit më 28 shkurt, ka shkaktuar mijëra viktima dhe tronditje të forta në ekonominë globale. Një rol kyç në krizë vazhdon të luajë Ngushtica e Hormuzit, arteria kryesore për transportin e naftës dhe gazit nga Lindja e Mesme.
