Arjanit Hoxha, kryetar i PDE-së në Hajde Flasim ka folur për të ardhmen e partisë dhe se ku do të jetë ajo në skenën politike në Maqedoninë e Veriut.
I pyetur se a e sheh më afër veten me VLEN apo me AKI-në, Hoxha tha se për këtë do të vendosin strukturat e partisë.
Megjithatë shtoi se ai do të vazhdojë të merret me politikë.
“Se cili do të jetë veprimi politik i imi dhe i partisë në të ardhmen, me siguri do të vendosin organet e partisë, por me siguri që dëshirat e dikujt për të më parë jashtë skenës, nuk do t’i plotësohen sepse i ka dëshirat dikush. Nëse ka diçka të këtillë, është si rezultat i vendimeve dhe dakordimit të të gjithëve brenda partisë. Pyetja e vërtetë është jo ku do të jetë PDE-ja apo Arjaniti, por ku do të jenë shqiptarët?”, tha Hoxha.
