Ish-kryetari i komunës së Kavadarit dhe deputet në Kuvendin e Maqedonisë, Panço Minov, ka ndërruar jetë sot, në moshën 67-vjeçare.
Minov ka shërbyer si kryetar i komunës së Kavadarit për dy mandate, nga viti 2000 deri në 2009.
Në Kuvend, ai ka qenë deputet në dy periudha, së pari nga viti 1990 deri në 1998, dhe pastaj nga 2016 deri në 2024.
Gjatë aktivitetit të tij politik, Minov tregoi interes të veçantë për mbrojtjen e nevojave të bujqve, veçanërisht të vreshtarëve nga rajoni i Tikveshit.
Në rrjetet sociale, miq, politikanë dhe figura publike i kanë shprehur ngushëllimet e tyre.
