Kandidati i AKI-së për kryetar të Çairit, Bujar Osmani, ka kritikuar ashpër kundërkandidatin e tij nga VLEN, Izet Mexhit, duke e akuzuar për mungesë vizioni dhe planifikimi gjatë mandatit të tij 20-vjeçar. Osmani theksoi se vetëm tani, pas dy dekadash në krye të komunës, Mexhiti ka vendosur të angazhojë një ekip për të përgatitur master planin e qytetit, njofton Top24
“Të tregoj drejtë, jam i trishtuar kur e shoh kundërkandidatin tim i cili pas 20 vitesh kryetar komune ka angazhuar ekip për të bërë master plan për Çairin. Kjo i bie të pranosh se 20 vite ke punuar pa plan?”, tha Osmani, duke nënvizuar rëndësinë e planifikimit afatgjatë dhe menaxhimit të përgjegjshëm të komunës. Ai bëri thirrje që qytetarët të votojnë për lidership që ka vizion dhe mund të sjellë zhvillim të qëndrueshëm për Çairin.
