Lidhur me vrasjen në Kavadar, një prokuror publik nga Prokuroria Themelore Publike – Kavadar kryen inspektim në vendngjarje të kazinosë ku ndodhi incidenti. Po mblidhen gjurmë dhe dëshmi dhe fillimisht janë ndaluar katër persona. Është lëshuar një urdhër për autopsi të të ndjerit dhe po ndërmerren veprime të tjera, njoftoi mëngjesin e sotëm për MIA-n Prokuroria Publike.
Më parë, MIA raportoi se një person, i lindur në vitin 1982, është vrarë në një përleshje para një kazinoje në Kavadar. Ky informacion u konfirmua për MIA-n nga Dr. Antoan Parakeov, kreu i Shërbimit të Mjekësisë Emergjente.
“Është e vërtetë, ka ndodhur një vrasje në një përleshje këtë mëngjes rreth orës pesë para kazinosë. Këto janë lëndime fatale në kokë. Ekipi ynë mori një telefonatë dhe menjëherë shkoi në vendngjarje, por arriti në përfundimin se personi ishte i vdekur, pa shenja jete, shpjegoi mjeku për MIA-n.
