Krenar Lloga nga ASh ka dalë në mbështetje të Nevrij Ademit dhe Tetova Sot, njofton Top24
Ai ka përmendur edhe rastin e kohë më parë të medias sonë, Top24 dhe thotë se këto dy media janë shembuj të padurueshmërisë ndaj atyre që ua nxjerrin të palarat në shesh.
“AL ■ Fakti që nuk mund ta ndalonin me kërcënime direkte për jetën e tij, i shtyu të bënin budallakinë e radhës duke e thirrur në stacionin policor dhe duke ushtruar presion, madje duke tentuar t’i marrin edhe mjetin e tij të punës, në këtë rast, telefonin. Sot Nevrij Ademi, Rami Mislimi dhe TetovaSot dje Ylberi dhe Top24.mk janë shembulli i padurueshmërisë ndaj atyre që ua nxjerrin të palarat në shesh.
Nuk është faji i askujt përveç pushtetarëve lokalë e qendrorë që shesin pronën publike në mënyrë të dyshimtë, privatizojnë në mënyrë të dyshimtë, japin partneritete publiko-private në mënyrë të dyshimtë. Marrin fonde nga kompani serbe e s’kanë të drejtë fjale se nuk i len Kryeministri Mickoski, ama atij i rrijnë “mirno”.
“Të dyshimtë” do të jenë deri në fund të tetorit, pastaj do të kenë status tjetër. Deri atëherë do durojmë këtë karikaturë-regjim Mbështetje të plotë për Nevrijun dhe TS”, shkruan Lloga.
