Ministri i Kulturës dhe Turizmit, Zoran Lutkov, së bashku me një delegacion nga Instituti arkeologjik gjerman nga Berlini, RF e Gjermanisë, dhe nga Muzeu i Qytetit të Shkupit, sot do ta vizitojnë lokalitetin arkeologjik Skupi. Në kuadër të vizitës do të nënshkruhet Memorandumi për bashkëpunim me Institutin arkeologjik gjerman – institucion hulumtues ndërkombëtar nën kompetenca të Ministrisë federale të Punëve të Jashtme të Gjermanisë.
Në ngjarjen, siç kumtuan nga Ministria e Kulturës dhe Turizmit, do të nënshkruhet edhe Marrëveshje për bashkëpunim mes Institutit arkeologjik gjerman, i cili ka traditë afatgjate në kryerjen e hulumtimeve arkeologjike në lokalitetet më të rëndësishme arkeologjike në botë dhe Muzeut të Qytetit të Shkupit.
