Ka ndërruar jetë ish-presidenti rumun Jon Iliesku

Ish-presidenti rumun Jon Iliesku ka ndërruar jetë sot në moshën 96 vjeçare, njoftoi kryetari i Partisë Socialdemokrate (PSD), Sorin Grindeanu.

Iliesku u shtrua në spital në fillim të qershorit, ku iu nënshtrua një ndërhyrjeje kirurgjikale për kancer në mushkëri, ndërsa në ditët e fundit gjendja e tij është përkeqësuar.

Jon Iliesku ka qenë president i Rumanisë dy herë – nga viti 1990 deri në vitin 1996 dhe nga viti 2000 deri në vitin 2004.