Presidentja e Maqedonisë së Veriut, Gordana Siljanovska-Davkova, ka marrë vendim për faljen e gjashtë personave të dënuar, me ç’rast ata janë liruar plotësisht, pjesërisht apo me kusht nga vuajtja e dënimit me burg.
Faljet janë bërë në përputhje me kompetencat kushtetuese dhe ligjore të Presidentit të Shtetit, dhe vendimi ka hyrë në fuqi menjëherë pas nënshkrimit.
Kjo është lista e të falurve:
Marija Dragiša Filipoviq nga Kumanova – dënimi me burg prej tre muajsh i zëvendësohet me dënim me kusht në kohëzgjatje prej një viti.
Ljubica Stevan Stojçevski nga Shkupi – falje e plotë nga vuajtja e dënimit me burg.
Toni Milan Stojçevski nga Shkupi – falje e plotë nga vuajtja e dënimit.
Mete Mehmetali Pashaj nga Çorovoda, Shqipëri – i falur nga pjesa e mbetur e dënimit me burg.
Milan Nikola Kosanoviq nga Beogradi, Serbi – i falur pjesërisht nga pjesa e mbetur e dënimit, në kohëzgjatje prej tre muajsh.
Vase Gjoko Çutrov nga Negotina – i falur pjesërisht nga tri muaj të mbetura të dënimit me burg.
Nga Kabineti i Presidentes njoftojnë se të gjitha vendimet janë marrë pas një procedure ligjore paraprake dhe në përputhje me kriteret e përcaktuara nga Ligji për Falje.(INA
