Në një intervistë në emisionin “Pressing” në TV7, lideri i Aleancës për Shqiptarët deklaroi se përkundër qëllimeve për të sjellë një erë të re, qeverisja në kuadër të koalicionit VLEN nuk i përmbushi pritshmëritë.
“Pas njëmbëdhjetë muajsh në qeveri, të gjithë në çdo institucion thoshin: ‘Nuk jeni ndryshimi’. Situata është më keq se sa para një, dy, pesë, dhjetë vitesh”, tha Taravari.
Ai pranoi fajin dhe tha se është më e ndershme të tërhiqet sesa të qëndrojë në një projekt të dështuar politik.
